Mupetimang

By on Thursday, 25 July 2019

“Mupetimang” oleh : Hasrin Z Bersah

Pelongohen gere ne rubu
Taon musilu gere ne jenta
Jerohpe rasukke muputuk we supu
Munemah karu mujadi mara

Tiang si sesuk kin tupang tumpu
Asal gere naru lelepas i seta
Mera mu polok kerna ari kayu
Lengkung selalu pora mubeda

Senggayun ku cabang besere ku perdu
Berasup tungu ku mutik si ara
Ngenakken uwah gere kase layu
Sisawah ku pumu enti mucecela

Mumarin kekire ku pesam ni niru
Ku keliliken atu muniro rara
Sesongkoten gerene ku kayu
Asap mujebu mu ilangen mata

Murai koboh ku porak ni siu
Jelobok berlagu munemah basa
Bibes ni senuk galip mugaru
Hejep ni pumu mupetimang cara

 

Pinangan, 21 Juli 2019

 

Comments

comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.