Kin Engi

By on Tuesday, 31 January 2017

Kin Engi

Oleh “ Aleckave Bersah

Engi…
Nge kite muloi rum bismillah
Mu ikot nge janyi wan sara kalimah
Jurah beterime tiro berosah
Sijarak i mata se nge teridah

Engi…
Ikhlas termulo rela nge turah
Setimang pasang sepupu sepapah
Gerene basah wan loding serlah
Gerene sesilen wan porak munyerlah

Engi…
Jangko ni pumu merawe gere sawah
Si arap ni mata arawe gere teridah
Si kite amaten mejen kase muluah
Kire gere sampe kenunulen mupinah

Engi…
Si kite lalui nge kin kisah
Paet lungie nge murasa ku awah
Enti ne bimang osopmi gunah
Tali si kite ikot kire gere ne muluah

Engi…
Taon mungadu ku kao turah
Pongotni sebuku simejen sawah
Kering ni tanoh gere ne mucerah
Nami siturun nge munemah tetah

Engi…
Bersiingeten kite kire ara salah
Bersitunungen kite orom orom munetah
Ike kin kurange kase betamah
Keta ike lebihpe gere ne i sikah

Engi…
Ku si Sara kitepe berserah
Sire muniro sabe ku Allah
Si kite pinte buge kire sawah
Bahgie murip gere ne mupisah

 

Hayatun Atun : Tengkeh penyair dari FB Aleckave Bersah

 

Comments

comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.