Tuah Ni Nami

By on Saturday, 31 December 2016

baga Tengkeh : Bahtiar Gayo/ Wartawan Waspada

 

Manis ni kata belangi ni  peri

Munikot janyi musara basa

Musara rasa kati mujadi

Kati enti lesi tubuh urum nyawa

 

Bage si rike dele si kaji

Inih belangi  enti ko sangsi

Kemana ike tekedir ilahi

Kao gere nyanya munetah diri

 

Nge mukekeru mukekamang

Ilang rum ijo male jep jep sagi

Si kuning biru oya nge terang

Sentan ipanang telas belangi

 

Mede simen ku suwen budi

Ate muligen gere mujadi

Selo de senuwen mupucuk lemi

Kona kemaro uren penanti

 

Nengon ku reta sayang penadi

Isalupi bana  ari kuwen kiri

Nge timul bimang awang ateni

Selo de senang sediken itaki

 

Nengon tenggulun ilah ni uten

Uwahe simen disalupi  ruwi

Lepas ke die kase ipergunen

Sediken puren kao mujadi

 

Kala Segi, Bintang 31 Desember 2016

Comments

comments

Leave a Reply

Your email address will not be published. Required fields are marked *