Reje Munyenawat Gere Mubekat

By on Tuesday, 23 August 2016
Bahtiar Gayo (LG/wyra)

Bahtiar Gayo (LG/wyra)

Oleh : Bahtiar Gayo/Wartawan Waspada

Edet ni Gayo megah mulie
Tenareng ni datu belangi penadi
Kin iren iren kin insen heme
Enti kao lupen enti kao sangsi

Ike Reje turah musuket sipet
Imem muperlu sunet
Tetue keta musidik sasat
Rakyat genap mupakat

Reje munyenawat gere mubekat
Mepat hukum rum pekara
Muyapati rakyat murum lagu lepat
Kati angan kasat mujadi nyata

Perau turah musakaten
Enti ipesalah gelumang bade
Gelah semayang musara peden
Sara jelen munetah dene

Ike morep benar mate  suci
Murip ikanung edet mate ikanung bumi
Reje turah  mupucuk lemi
Ta ku bumi kao mujantang tegep

Mujadi supu taon mungadu
Taon musilu rum ate menye
Kao reje si munetah tentu
Gayo muperdu musara tangke

Edet sedenge tenaring ni datu
Kati enti mutabu kao ilah ni dene
Pakat ni rakyat turut payu
Maju mi maju ko Gayoku

 

Sinamat bawar mutentu penadi

Kin ulu tawar munetah cara

Enti mukemar punce ni kunci.

Kati muasara basa sara rasa.

 

Takengen 15 Agustus 2016.

Comments

comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.