Berbalas Tengkeh ” Menet Kin Reje”.

By on Thursday, 19 November 2015

Amalah Ari KenawatAmalah Ari Kenawat:

Tabi mulo ini laing ku luah
Buge ama ine si mubaca gere ber ate gunah
Ku tos syaer ni arap nge kin berakah
Enti kin isi ni ate laing bersorah

Lagu si makin dele menet kin reje
Munetah gayo si tengah gelana
Munuruhen salak gemasih setie
Nge masing masing munuruhni cerpa

Si male tampil berbage cara
Ara pengusaha ara pengacara
Enti kase arap nga nango bere ni rara
Pada akhere mungundang bencana

Ike male tampil enti kin tekedir
Mungenal pendukung ari wih musempir
Arap nge ara pora basah ni bibir
Puren kase gayo ni kucar kacir

 

aleckaveAleckave Bersah:

Si male maju betul asal dele
Bage bage seba modele
Ara independen ara ari parte
Munetah Gayo ni bewene kenakke

Turah siep ike nge sunguh
Enti surut bierpe munangkok
Usaha enti beteduh
Orom masyarakat kase turah cocok

I bebagi keta wilayah
Enti kase dewe renye betengkah
Jeroh besalam ike mayo kumah
Enti sampe muniro baro i osah

 

tungelTungel Belang:

Ini bewene asa calon reje
Gere pas kite tumpun bewene kekire
Tugas te kase mumilih
Buge buge gere salah pilih

Paling gure kite penonton
Urum jagoe munosah ponten
Alak musempur si male kin calon
Meh tenege reta urum sen
Ike gere mujadi mera senewen

 

jus AnriJus Anri:

Aleckave Bersah, Amalah Ari KenawatTungel Belang
Betul le olok jema begegalak
Laing kuso kini i sesempak
Beluh kampanye rok ituruhen salak
Entap noya deba kona talak

Berhati suke turah i rai
Doa rum dukun beradu komisi
Gere mukemel len basa basi
Kalah kase ulakan turah panci

Kona penonton ruhe besurak
Maral pendukung rupen mata mata
Kona ku suara bewene i tulak
Lagu cempedak beruah nangka

 

sulaimanSulaiman:

Kena ini cerak wan berakah
Sene pora pora gere bg mukunah
Betul kene Amalah Ari Kenawat enti kite gunah
Kena laing si ijurah erep nge beta kedah

Mumilih reje oya buet mulie
buge bang makin mutetah kuarap nasipte
Ke gere berama asal sukerdi kire
I tumpun ku ine asa gere mera genap naku belenye

Dapil satu urum dapil due
Tentangni peruluken enti kire dewe
Reje si terpilih buge puren kin ton ku menye
bewene anak pedih anak si tiri enti we ara kire

Si gere menang oyape tetap amangku
Murum mien selalu wan pembangunen gelahmi sepapah sepupu
Asal anak si mumilih nge simen tungkukni ulu
Nge mubilangen iengon asal siturahe we ku si salah satu

Comments

comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.